پاگل موسم

لگتا ہے کہ اس دفعہ موسم پاگل ہوگیا ہے، کہ صبح عام سردیوں کی سی ٹھٹھرتی ہوئی، منفی دو کے قریب درجہ حرارت بقول گاڑی کے ڈیش بورڈ کے، دس بجے زور کی برفباری کوئی آدھے گھنٹہ کےلئے لگاتار برفباری گویا روئی کے گالے اڑ رہے ہوں، پھر بارہ بجے کے قریب واہ واہ دھوپ ، یورپ کے دیگر ممالک کی طرح یہاں بھی سردیوں کی دھوپ بھی خنک ہی ہوتی ہے۔ مگر ابھی نکلنے لگا تو کیا دیکھتے ہیں کہ جناب پھر سے برفباری شروع ہے۔ بقول موسمی پیشن گویاں کرنے والی ویب کے یہ آنکھ مچولی چلتی رہےگی۔ البتہ سردی کافی ہے ان دنوں میں رات منفی چار تک بھی چلی جاتی ہے۔